PANIBAGONG HAMON [MATAPOS ANG ELEKSYON]
apatnapu't limang milyong manggagawa sa bansa
ay paano pagkakaisahin ng manggagawa
bilang uri, bilang nagkakapitbisig na madla
upang maitayo ang lipunang malaya
may "labor vote" ba talaga o boto ng obrero?
baka wala pa nito upang obrero'y manalo?
tulad ng nangyari sa lima nating kandidato
na mga lider-obrerong tumakbo sa senado
kulang na kulang pa tayo sa pag-oorganisa
wala pang dalawampung porsyento pag pinagsama
yaong boto ng ating kandidato, nilang lima
pagpapatunay na wala pang "labor vote", wala pa
nakakawalang sigla ang pagkatalo subalit
ang misyon ng uring manggagawa'y dapat iguhit
mayorya ang bilang ngunit sa botoha'y kayliit
tila sa sistemang ito, lahat na'y pinagkait
humayo tayo't magpatuloy sa pakikibaka
uring manggagawa'y dapat nating maorganisa
dapat maunawa ang panlipunang papel nila
sa lipunan nila'y kamtin, baguhin ang sistema
- gregbituinjr.
Mag-subscribe sa:
I-post ang Mga Komento (Atom)
May sariling daigdig - tanaga-baybayin
may sariling daigdig itong makatang gising tula ng tula kahit wala sa toreng garing -tanaga-baybayin gbj/01.28.2026
-
KATÁW sa mga kwento'y mayroong katáw na sa mitolohiya'y nahalaw na kahulugan pala'y sirena subalit di wangwang sa kalsada babae... -
ANG MAKATANG CIRILO F. BAUTISTA AT AKO Maikling sanaysay ni Gregorio V. Bituin Jr. Binasa ko ang talambuhay ng makata't manunulat na si ... -
SPIRITS OF THE DEAD by Edgar Allan Poe MGA ESPIRITU NG PATAY ni Edgar Allan Poe Malayang Salin ni Gregorio V. Bituin Jr. I Thy s...
Walang komento:
Mag-post ng isang Komento