sariling kultura nila'y dapat nating igalang
habang nakikita natin alin ang mas matimbang:
ang pamahiin ng matatandang sa masa'y hadlang
o batayang agham ang ating isaalang-alang
dahil lumaki sila sa mundo ng pamahiin
iba ang kinalakihan nila't alituntunin
sa ganoong aspeto'y dapat silang respetuhin
ngunit paniwala nila'y huwag nating gayahin
pamahiin ba nila'y paniwalang di maparam
sapagkat di maipaliwanag ang agam-agam
pamahiin ba'y dahil sa takot o pakiramdam
o pamahiin ay walang paliwanag ng agham
pamahiin ba'y mula sa mga sariling kutob
na dahil walang mga paliwanag na marubdob
ay gumawa ng kuro-kuro't tinanggap ng loob
kaya sa katanghalian ay dilim ang sumaklob
tayong nakakakita'y dapat nagsusuri naman
upang makuro ang takbo ng kanilang isipan
tayong nakakakita'y may sariling panuntunan:
kongkretong pagsusuri sa kongkretong kalagayan
sa kanilang daigdig ay huwag tayong pumasok
at baka aswang at manananggal ang yumukayok
sa pamahiin nila'y huwag tayong palulugmok
kundi ibagsak natin ang sistema nilang bulok
- gregbituinjr.
Mag-subscribe sa:
I-post ang Mga Komento (Atom)
Mga paalala ni misis
MGA PAALALA NI MISIS bago mawala si misis ay kayrami niyang paalala: "Huwag kang magpupuyat" "Kumain ng tama sa oras" ...
-
ANG MAKATANG CIRILO F. BAUTISTA AT AKO Maikling sanaysay ni Gregorio V. Bituin Jr. Binasa ko ang talambuhay ng makata't manunulat na si ... -
INGATAN, HUWAG IBAGSAK "Fragile, Handle With Care" ang katumbas nang sa isang kahon ay kalatas paalala, baka babasagin ang nasa k... -
Ang Martir Tula ni Nick Joaquin, Pambansang Alagad ng Sining para sa Panitikan Malayang salin ni Gregorio V. Bituin Jr. Ang pagsinta...
Walang komento:
Mag-post ng isang Komento