di raw naman makararating sa paroroonan
ang di raw marunong lumingon sa pinanggalingan
kaya pagtatasa sa nangyayari'y kailangan
tasahin anong nagaganap sa kasalukuyan
kongkretong pagsusuri sa kongkretong kalagayan
dapat itong gawin sa pang-araw-araw na buhay
habang nagpapahinga'y isabay ang pagninilay
bago mananghalian ay maghinaw ka ng kamay
minsan, dapat magsuri kahit nadarama'y lumbay
upang umalwan ang loob at isipan nang sabay
ano ang mga isyu't problemang kinakaharap?
balakid na ba iyan sa mga pinapangarap?
paano pakikitunguhan ang mga kausap?
kung sila sa tingin mo'y pawang mga mapagpanggap?
baka tugon sa isyu't problema'y aandap-andap?
walang mahirap na pagtatasa kung magtatasa
pagkat may kalutasan ang bawat isyu't problema
huwag maging maligalig sa pag-aanalisa
batid mo kung saan ka nagmula't saan pupunta
kaya anumang sulirani'y iyong makakaya
- gregbituinjr.
Mag-subscribe sa:
I-post ang Mga Komento (Atom)
Mga paalala ni misis
MGA PAALALA NI MISIS bago mawala si misis ay kayrami niyang paalala: "Huwag kang magpupuyat" "Kumain ng tama sa oras" ...
-
ANG MAKATANG CIRILO F. BAUTISTA AT AKO Maikling sanaysay ni Gregorio V. Bituin Jr. Binasa ko ang talambuhay ng makata't manunulat na si ... -
INGATAN, HUWAG IBAGSAK "Fragile, Handle With Care" ang katumbas nang sa isang kahon ay kalatas paalala, baka babasagin ang nasa k... -
Ang Martir Tula ni Nick Joaquin, Pambansang Alagad ng Sining para sa Panitikan Malayang salin ni Gregorio V. Bituin Jr. Ang pagsinta...
Walang komento:
Mag-post ng isang Komento