sa Pahalang Labimpito
Tanong: Wikang Filipino
subalit ang sagot dito'y
Tagalog, tama ba ito?
Filipino nating wika
sa Tagalog batay sadya
na isinabatas pa nga
si Quezon yaong gumawa
ang wika'y di lang Tagalog
kundi Filipino, irog
isang wikang tinaguyod
na pambansa pag nasunod
sa tanang palaisipan
wikang pang-Katagalugan
ay wika ng buong bayan
ngunit sa ngayon lang iyan
sapagkat wikang Iloko
Bisaya man at Ilonggo
Tausug, Waray, at Pampanggo
ay wika ring Filipino
darating din ang panahon
samutsaring wikang iyon
pag nasama sa leksikon
magiging wika ng nasyon
- gregoriovbituinjr.
06.29.2024
* palaisipan mula sa pahayagang Abante, Hunyo 26, 2024, p.10
Walang komento:
Mag-post ng isang Komento