TALONG AT SIBAKA
talong, SIbuyas, BAwang, KAmatis
ang aking pananghaliang wagas
sa trabaho ma'y punò ng pawis
malasa, ito ang pampalakas
tara, tayo nang mananghalian
kaunti man, pagsaluhan natin
gaano man kapayak ang ulam
kita'y maghating kapatid pa rin
ang SIBAKA ay di mawawalâ
minsan, may karne; madalas gulay
paminsan-minsan naman, may isdâ
dahil sa protina nitong taglay
tulong talaga ang talong dito
mapapalatak, nakabubusog
O, mga kasama ko't katoto
pagsaluhan na ang munting handog
- gregoriovbituinjr.
11.16.2025
Walang komento:
Mag-post ng isang Komento